好多人以為端午節食糭喺為咗紀念屈原，但原來「糭」字係屈原死後四百多年先出現。
追溯歷史，最早期「糭」稱為角黍（粵音：鼠），並喺春秋時代已經存在，當時屈原尚未出世。
角黍，以菰蘆葉包住黍米蒸煮而成，呈三角狀。以前嘅五月，又稱「毒月」，天氣變熱，百姓用角黍祭祀祖先神明，求個平安🙏🏻。
後來因為端午節同夏至好近，就慢慢將食糭變成端午節嘅習俗。
到現在，端午節食糭喺基本啦。糭嘅材料包括糯米、肥豬肉、咸蛋黃⋯⋯食一隻相等於食咗六碗飯咁多，所以大家記得要適可而止啊！