曾幾何時，香港製造是香港人一代的驕傲，但由於成本上漲跟各種原因，不少廠家都轉移到內地或東南亞開廠。但寶湖廚莊負責人Yuki並不願意低頭，更親自落手落腳到工展會踩足24日，只為令更多人感受到香港製造的溫暖。能有如此的毅力，只因背後有個不願意女兒只做大小姐，而願意無限支持她的好爸爸。
老牌酒家為愛女創副線 出一款湯試足半年
如果喜歡到傳統酒家飲茶的話，或許有機會聽過寶湖酒家的名字，主打湯包的寶湖廚莊就是品牌的副線，而寶湖廚莊的出現，原來是寶湖酒家老闆之一，Yuki爸爸周超常疼愛女兒的緣故。「當時Yuki喺英國讀書，佢話好掛住屋企啲湯，咁啱有朋友喺內地搞緊呢啲湯包生意，咪試下寄幾包過去。」周生笑說，「當時我收到直接喊咗出嚟。」Yuki憶起十多年前的往事，那份感動對她來說依然記憶猶新。
十年前即飲湯包並不像現在如此流行，周生認為有發展潛力，女兒亦喜歡，因此便開始了寶湖廚莊的生意，「一開始同拍檔喺內地設廠，但衛生程度、安檢同我嘅要求有啲距離，最後都係決定搬返香港。」周生說，這時Yuki亦回港工作了一陣子，他乾脆就叫女兒回去幫自己手，「當初係叫佢嚟玩下，都無諗過佢可以堅持到咁耐。」現在寶湖廚莊於葵涌設廠，這天Yuki亦邀請我前往參觀。
原以為湯包工場一定是十分現代化，想不到工場整個流程都相當人手，就好像湯包內的哈密瓜都是人手切好一件件，再由同事分工將材料跟清水放進湯包，最後封口再用機器高溫消毒煲煮，「出爐後要放置兩星期，確保唔會漲起，如果漲起即係代表湯包壞咗。」Yuki解釋，「每個湯包都要經過半年研發，可能同一款食材我哋都要試唔同產地出嚟嘅效果，有時試完幾十次都係出唔到，好似章魚湯咁，實在太鹹，所以到而家都仲未出到。」人工、租金再加上食材，單單以上的工序便知道寶湖的成本並不低，再加上是有料湯包，因此接近$80一包亦貴得有道理，「有啲品牌可以做到一百蚊四包，但我哋始終企硬。」
豬肚經過繁複的清洗及汆水步驟，醃製後再以鹹菜及白胡椒等熬製，辣度十足，暖心又暖胃。
西洋菜認錯做芥蘭 對手報海關打壓
雖然Yuki現在說得頭頭是道，但她笑言在英國時她連芥蘭跟西洋菜都分不清，當初進入公司亦花了不少功夫，而說到做生意，周生笑言女兒早已交過不少「學費」，「喺我眼中，Yuki人際關係好好，多朋友過我好多，但有啲感情用事，可能係優點亦可能係缺點。」周生之所以這樣說，原來周生曾經介紹過一個台灣朋友給Yuki認識後，不過已經事先提醒過她不可輕易相信他人，Yuki其後與台灣人相談後，決定與他合作，但當出貨以後卻收不到尾數，「呢個學費都抵交嘅，哈哈。」周生笑說。
作為大小姐的她，亦沒有讓爸爸失望，由出品至市場銷售都落手落腳親自做，曾努力得在工展會連踩24日不休息，看到爸爸都心疼表示：「其實希望佢都可以放手一下，而家公司規模大咗，分返啲工作俾同事，最緊要攞住公司方向。」Yuki表示爸爸在工作上很努力，待人處事亦是由他身上學來，「佢話我待人很好，其實都可能係佢嘅基因，亦是他教我唔好怕蝕底。」
以人手即磨的方式製作滋潤杏汁，再加入豬肺，啖啖都是真材實料。
雖然十年以來跌跌碰碰，但周生卻完全相信Yuki所有決定，「我嘅教導方式係放手，由佢自己處理，只要個決定，唔好輸左間公司就得㗎啦。」而他唯一的要求就是，「唔可以俾生意影響家庭。」能如此放心，除了是因為愛錫女兒，更是看到女兒的全程投入。
而問到十年來的種種，Yuki忍不住眼濕濕，「我哋試過俾對手望住嚟打，有人報過海關質疑我哋唔係香港製造，又試過出咗一啲特別啲款嘅湯，出咗無耐，對手照住嚟抄，就連包裝設計都有抄過。」面對連串打擊跟打壓，Yuki選擇默默做，希望用成績回應對方。
女士最愛的竹絲雞肉及花膠一同長時間燉煮，再加入淮山、響螺頭等天然食材提味，滋補養顏。
十周年與本地插畫家聯乘 堅持香港製造為留住溫暖
Yuki選擇不走捷徑，腳踩實地一步步走過十年路，而在當她在構思應怎樣慶祝十歲生日時，一次偶然看到香港插畫家杜波淇一句溫暖人心的句子：「願您能用自己喜歡的方式生活著」，霎時被她溫暖的文字及溫柔的繪圖所感動，便找來杜波淇合作推出10周年Home Soup Home限定套裝，當中包括兩款全新口味燉湯湯包冬瓜蟲草花燉鴨湯及哈密瓜羊肚菌燉豬𦟌湯，以及保溫瓶和Tote Bag。
包括杏汁白肺湯、哈密瓜羊肚菌燉豬𦟌湯、螺頭花膠燉竹絲雞湯、聯乘設計保溫瓶跟環保袋，計$79包，3包已經差不多$240，因此相當抵飲。
相隔十年，內地廠房早已更加進步衛生，Yuki亦坦言近期曾與爸爸討論過是否將廠房搬到內地，成本更是香港的一半，但最後還是堅持在香港製造，除了能時刻監察湯包質素，她說出一個老套又窩心的原因，「我想將香港製造的這份溫暖留住。」Yuki說畢，周生補充一句：「香港製造係我哋嘅初心，而且俾得人去食，都要過得到自己。」
在品嚐湯包前，我認為這不過是另一個牌子的湯包，之後卻被湯包的用料之多跟味道所驚艷，湯包價錢的確不便宜，但是味道樸實得讓人回味，或許這就是Yuki所說，屬於香港製造的溫暖跟價值。
寶湖廚莊銷售點：各大超市（惠康、一田超市、SOGO、city‘super、AEON、UNY、APITA、HKTVmall）及寶湖廚莊網店
